WANAJESHI WATAENDELEA KUPIGA POLISI MPAKA LINI?

Magari ya jeshi yakiwa yamezuiwa barabarani baada ya wanajeshi kumshambulia trafiki. (Picha na Mjengwa Blog)

MWAKA 1979 Idd Amin anaishambulia Tanzania. Nyerere anatangaza vita, wote tunakubali kupambana naye. Mimi na polisi wenzangu tunapelekwa vitani tena mstari wa mbele. Huko tunakutana na wanajeshi, mgambo na makundi mengine mbalimbali. Tumepambana mpaka mwisho. Tumeshiriki vita Comoro, na nchi nyingine mbalimbali ambazo zilihitaji huduma za kijeshi. Huko hakukuwa na cha Mwanajeshi au polisi, wote thamani yao ilikuwa sawa. Naenda Darfur Sudan, huko nakuta polisi ana thamani kubwa tena analipwa vizuri kuliko Mwanajeshi. Yaonekana UN wanajua thamani ya polisi katika jamii.
 Leo narudi Tanzania nakutana na kitu cha ajabu sana ambacho kinanifanya nishangae kweli kweli. Eti Traffic Officer ambaye anaaminiwa kutawala makutano ya barabara ya Morogoro na Mandela anapigwa makofi saa 10:15hrs asubuhi, mbele ya hadhara/kadamnasi ya wapita njia, madereva na wafanyabiashara ndogondogo. Anayefanya hivyo ni mwanajeshi. Ukitafuta sababu eti amewachelewesha wao watu muhimu wanaotoka Mwenge kwenda kambini kwao Twalipo Temeke. Ni wakurugenzi wangapi wanasimama barabarani kutii amri ya Traffic, ni mabalozi wangapi wanasimama barabarani kufuata maelekezo ya Traffic, ni mara ngapi msafara wa Rais unashindwa kuanza safari zake mpaka Traffic anapotoa taarifa kuwa barabara ni salama, ni mara ngapi hata IGP anasimama barabarani kwenye foleni hadi aombe msaada wa kupitishwa iwapo kuna dharura. Lakini leo mwanajeshi ambaye amepitia mafunzo ya paredi tu, anamdhalilisha afisa wa polisi.
Niambieni wapiganaji wenzangu, katika jamii tunayoishi leo, nani muhimu kati ya jeshi la polisi na Jeshi la Wananchi? Natoa masaa sita wanajeshi wagome wasifanye kazi yoyote, walale nyumbani, kambi zao wafunge - Je, kuna madhara gani kwa mwananchi, mwanakijiji wa kule Mtangimbole Songea, au Nyantira kule Musoma? Baada ya wao kumaliza masaa yao sita, nawakaribisha Polisi pia nao wagome kwa masaa sita - Wafunge vituo vyao vya polisi. Niambie ni akina mama wangapi watabakwa, ni vibaka wangapi watavamia maduka na makazi ya watu, ni benki ngapi hazitakuwa salama, msongamano wa magari utakuwaje, Je, kuna mtu ataenda kazini, kuna uzalishaji mali utafanyika? Lakini hili haliwezi kuonekana kwa leo, vinginevyo uwe na "Philosophical view".
Namkumbuka mbunge mmoja wa kaskazini ambaye ameomba nisimtaje jina alipokuwa anachangia bajeti ya Wizara ya Mambo ya Ndani. Yeye alitoa angalizo kwa kusema, " Tabia ya kuweka tofauti katika maslahi kati ya Wanajeshi na Polisi, kiasi cha wengine kulipwa mshahara mara mbili au tatu ya ule wa mwenzake wa cheo kile kile, ni kukaribisha mgawanyiko wa wengine kujiona bora kuliko wenzao". Haya ndiyo yale yaliyotokea jana pale Ubungo. Mwanajeshi kwa kuwa analipwa tofauti, anamwona polisi sawa na mgambo. Nimejisikia fedheha kwa sababu sio mara ya kwanza, au ya pili, au ya tatu. Mwanajeshi kuvamia kituo kumchukua mwenzao ambaye ni mtuhumiwa si kitu cha ajabu. Polisi tupo kimya. Hii dharau itaisha lini. Je, wanataka tufanye nini ili tupate heshima tunayostahili?. Tugome; HAPANA, Tuvamie kambi za jeshi; HAPANA, Tuondoe mahusiano yaliyopo kati yetu na wao; HAPANA, Nifanye nini sasa?

PICHA ZA WAFUASI WA SHEIKH PONDA WALIOKAMATWA WAKITAKA KWENDA IKULU

.

.

.

.

18

Wanajeshi kutoka JWTZ.

.

.

SHEIKH PONDA MATATANI,MAMIA WAKUSANYIKA CENTRAL POLISI

Kuna habari kuwa watu wamekusanyika katika kituo cha polisi cha kati central ili kushinikiza sheikh Ponda aachiwe huru paada ya jana kukamatwa majira ya saa nne usiku habari zaidi utazipata hapahapa

BOXER YA DIAMOND KTK PICHA AIBUUUU

CHEKI JINSI RPC MWANZA ALIVYOUAWA,

TENGA KUGOMBEA TENA URAIS

Rais wa TFF, Leodegar Chillah Tenga atatetea nafasi yake?

RAIS wa Shirikisho la Soka Tanzania (TFF), Leodegar Chillah Tenga atatetea nafasi yake katika uchaguzi ujao wa shirikisho hilo, Desemba mwaka huu.

Habari ambazo KABESEjr imezipata kutoka kwa watu walio karibu na Tenga, zinasema kwamba awali beki huyo wa zamani wa kimataifa wa Tanzania aliamua kutogombea, lakini baada ya kushawishiwa na swahiba wake, rais wa Shirikisho la Soka la KImataifa (FIFA), Sepp Blatter sasa atagombea.

“Tenga atagombea tena TFF, unajua Blatter ni rafiki yake na ndiye amemuomba aendelee, na Blatter mwenyewe atakuja hapa kumfanyia kampeni Tenga,”alisema mtu mmoja wa karibu na Tenga.

Taarifa zaidi zinasema tayari Tenga amekwishaanza kuwasiliana na wapiga kura na magwiji wa kampeni kwa ajili ya uchaguzi ujao.

Juhudi za kumpata Tenga mwenyewe kuzungumzia habari hizo hazikufanikiwa, lakini kama atagombea maana yake atachuana na Makamu wake wa sasa, Athumani Nyamlani ambaye kwa muda mrefu inaelezwa amekwishaanza kampeni.

Upinzani zaidi kwa Tenga iwapo kweli atagombea unatarajiwa kutoka kwa Jamal Emil Malinzi, aliyekuwa mpinzani wake katika uchaguzi uliopita Desemba 14, mwaka 2008.

Katika uchaguzi huo, Tenga alitetea nafasi yake kwa kumbwaga Malinzi kwenye ukumbi wa NSSF Waterfront kwa kura 64 dhidi ya kura 39 za Malinzi.

Awali Malinzi alienguliwa kwa kigezo cha uzoefu, lakini akarejeshwa kuwania nafasi hiyo baada ya kushinda rufaa yake.

Katika uchaguzi huo ulioshuhudiwa na Mwakilishi wa FIFA, Ashford Mamelodi, Athumani Nyamlani alishinda nafasi ya Makamu wa Kwanza wa Rais, baada ya kujikusanyia kura 65 kati ya kura 107 zilizopigwa na kura mbili kuharibika, akimshinda Lawrence Mwalusako aliyepata kura 39 na Ali Mwanakatwe aliyeambulia kura moja.

Nafasi ya Makamu wa Pili wa Rais, ilikwenda kwa Ramadhani Nassib aliyemwangusha mpinzani wake wa karibu, Damas Ndumbaro aliyepata kura 45.

Baadhi ya wagombea wanaotajwa kuwania nafasi ya Makamu wa kwanza wa rais katika uchaguzi ujao ni Frederick Mwakalebela, Wallace Karia, Michael Wambura, Wakili Alex Mgongolwa, Wakili Imani Madega, Wakili Damas Ndumbaro na Lawrcence Mwalusako.

BONGO NOMAAAA,NI BAADA YA MASHALI AKIMTWANGA MGANDA MANZESE

Wachezaji wa Simba, Juma Nyosso kulia akiwa  na kushoto Haruna Moshi, beki wa Yanga Godfrey Taita bwakiwa na Profesa Jay, wakimuombea dua bondia Thomas Mashali kabla ya pambano lake jana.

Bondia Thomas Mashali akiwa na mikanda yake ya ubingwa wa Tanzania pamoja na wa Afrika Mashariki na Kati alioupata jana

Rais wa TPBO, Yasini Abdallah 'Ustadh' akisalimiana na Profesa Jay kwenye kona ya Mashali

Boban, Nyosso, Taita, Profesa wakiwa kwenye kona ya Mashali wakati wa kupigwa wimbo wa taifa

Baadhi ya Viongozi pamoja na mgeni rasmi wakisimama kwa ajili ya wimbo wa tafa kabla ya mpambano

BONDIA THOMAS MASHALI kushoto akioneshana uwezo wa kutupiana masumbwi na  MEDY SEBYALA wa Uganda wakati wa mpambano wao uliofanyika kwa ajili ya kumbukumbu ya baba wa taifa Mashali alishinda kwa pointi.

Bondia Medy Sebyala akioneshana ufundi wa kutupiana makonde na bondia Thomas Mashali wakati wa mpambano wao wa kugombea ubingwa wa Afrika Mashariki na Kati Mashali alishinda kwa pointi

BONDIA THOMAS MASHALI kushoto akioneshana uwezo wa kutupiana masumbwi na  MEDY SEBYALA wa Uganda

Bondia Medy Sebyala akioneshana ufundi wa kutupiana makonde na bondia Thomas Mashali wakati wa mpambano wao wa kugombea ubingwa wa Afrika Mashariki na Kati Mashali alishinda kwa pointi

KAMANDA wa Polisi Mkoa wa Kipolisi wa Kinondoni, Charles Kenyela kushoto akiwa amekinga ngumi huku akiwa na furahaa baada ya bondia Thomas Mashali kuibuka na ubigwa kwa kumpiga bondia kutoka Uganda wakati wa maazimisho ya kumbukumbu ya baba wa taifa

Bondia Thomasi Mashali akiwa na mkanda wake wa ubingwa wa Afrika Mashaliki katika picha ya pamoja na viongozi mbalimbali

Mbunge wa Kinondoni, Iddi Azzan akiwa katika picha na Bondia Thomas Mashali baada ya kuvishwa ubingwa wa Afrika Mashariki

Bondia Medy Sebyala akioneshana ufundi wa kutupiana makonde na bondia Thomas Mashali wakati wa mpambano wao wa kugombea ubingwa wa Afrika Mashariki na Kati Mashali alishinda kwa pointi. Picha zote na www.superdboxingcoach.blogspot.com

MABAO YA DROGBA YALIVYOCHAFUA AMANI SENEGAL

Kimenuka... Drogba akilindwa na Polisi wakati akitolewa uwanjani.

Shabiki wa Senegal akidakwa na polisi baada ya kuingia uwanjani wakati Didier Drogba (kulia) akitaka kupiga penati iliyowapa Ivory Coast uongozi wa mabao 2-0 dhidi ya Senegal katika mechi yao ya kuwania kufuzu kwa fainali zijazo za Kombe la Mataifa ya Afrika (AFCON 2013) kwenye Uwanja wa Leopold Sedar Senghor mjini Dakar, Senegal jana, Octoba 13, 2012. (Picha: AP)

Hatari...!  Mashabiki wa 'chama' la kina Drogba wakihaha kujiokoa jana baada ya vurugu kuibuka katika mechi yao dhidi ya Senegal.

Duh...! Kimenuka hadi kitaa.... mashabiki wa Senegal wakikimbia mitaani huku wakiandamwa na mabomu ya machozi baada ya kuzuka kwa vurugu uwanjani jana.

Yaya Toure (kulia) na wachezaji wenzake wa Ivory Coast wakitolewa uwanjani na 'FFU' wa Senegal baada ya vurugu zilizotokea uwanjani jana.

Sasa uwanjani hapakaliki tena...!

Ni vurugu mtindo mmoja baada ya mashabiki wa Senegal kukasirishwa na kipigo cha Ivory Coast dhidi ya timu yao jana.

Wachezaji Ivory Coast wakitolewa uwanjani.

Wachezaji wakitolewa uwanjani wakisindikizwa na polisi baada ya mawe, chupa na vitu mbalimbali  kurushwa uwanjani na mashabiki wenye hasira wa Senegal waliokasirishwa kuona timu yao ikichapwa na kina Drogba.

Mashabiki wa Ivory Coast wakihaha kujiweka pamoja ili kujiokoa jana.

Kimenuka mwanaa... hapakaliki tena uwanjani!

DAKAR, Senegal 

Mechi muhimu ya kuwania kufuzu kwa fainali za Kombe la Mataifa ya Afrika kati ya Senegal na Ivory Coast imefutwa baada ya mashabiki kuvamia uwanja mjini Dakar juzi.

Mashabiki wa wenyeji walianza kwa kuwasha moto majukwaani na kurusha mawe na vitu vingine uwanjani wakati Senegal wakiwa nyuma kwa mabao 2-0, matokeo ambayo yangewatoa katika michuano hiyo.

Mashabiki wa Ivory Coast walikimbilia uwanjani kuepuka mashambulizi.

Mashabiki na wachezaji wa Ivory Coast baadaye walitolewa nje na polisi, ambao walifyatua mabomu ya machozi kuelekea kwenye majukwaa yaliyofurika mashabiki.

Taarifa zimesema kuwa takriban wati 10 -- akiwamo Waziri wa Michezo wa Senegal,Hadji Malick Gakou -- walijeruhiwa katika vurugu hizo kwenye Uwanja wa  Leopold Sedar Senghor.

Vurugu hizo zilitokea baada ya mshambuliaji wa Ivory Coast, Didier Drogba kufunga goli lake la pili kwa njia ya penati, huku zikiwa zimebaki dakika 15 kabla mechi kumalizika. Kabla ya goli hilo la penati lililokuwa la 58 kwake kuifungia Ivory Coast, Drogba alifunga goli la kwanza katika mechi hiyo kwa njia ya 'fri-kiki'. 

Matokeo hayo yangeiwezesha Ivory Coast kuongoza kwa jumla ya mabao 6-2 baada ya kushinda pia kwa mabao 4-2 katika mechi yao ya kwanza.

"Vyakula, vinywaji na chochote kile kilichoweza kurushwa kilirushwa uwanjani, kutoka katika kona tofauti," Chris Fuglestad, mwanafunzi wa Marekani anayesoma mjini Dakar, aliiambia BBC.

Shirikisho la Soka la Afrika (Caf) bado halijatoa taarifa rasmi kuhusiana na tukiuo hilo. Lakini afisa mmoja wa Senegal alikaririwa akisema kwamba sasa timu yao itafungiwa na Caf.

Wachezaji ndugu wa Manchester City, Yaya na Kolo Toure walikuwamo katika kikosi cha Ivory Coast, na klabu hiyo ya Ligi Kuu ya England ilisema katika taarifa yake kuwa: "Yaya na Kolo Toure wote wako salama baada ya vurugu za mashabiki kuvunja mechi wakati Senegal walipoikaribisha Ivory Coast mjini Dakar."

MUHUBIRI TAJIRI WA NIGERIA ANAEMILIKI HIZI NDEGE

Askofu Oyedepo.

Hii ni ya kwanza.

.

Gulfstream G550

Gulfstream G550.

Gulfstream V

Gulfstream V

LearJet 

LearJet.

Daily Post wameripoti kwamba ndege zinazomilikiwa na watu binafsi zimeongezeka nchini Nigeria ambapo mwaka 2007 zilikua ndege 20 lakini mwaka huu 2012 ziko zaidi ya 150 ambapo kwa sasa Nigeria na China ndio nchi ambazo ni miongoni mwa zinazokuja kwa kasi kwenye ununuzi wa ndege binafsi duniani.
Hiyo list hapo chini ni list ya matajiri kumi wa Nigeria wanaomiliki ndege binafsi ambapo Muhubiri ambae ni askofu Oyedepo ndio ameongoza kwa kuwa na umiliki wa ndege nne japo mbili ameshea na rafiki zake.
Oyedepo ndio mwanzilishi wa Living Faith Christian Church International maarufu kama Winners’ Chapel ambalo hata Tanzania lipo pia.

.

.

List ya wamiliki wengine matajiri 10 wa ndege binafsi Nigeria ndio hii hapa chini.

.