MSIBA wa aliyekuwa mchezaji wa
Wekundu wa Msimbazi Simba Patric Mutesa Mafisango umewagusa mamia ya watu hapa
nchini na hasa wapenzi wa soka na wachezaji kwa ujumla huku ukimgusa zaidi
mchezaji mwenzake Haruna Moshi ‘Boban’ na kupelekea jana kutinga Sigara ambapo
mwili wa marehemu ulikuwa ukiagwa bila ya kuwa na kiatu
mguuni.
Mara baada ya wachezaji wa
Timu ya Taifa ‘Taifa Stars’ ambao wako kambini katika hotel ya Tansoma kwa
ajili ya kujiwinda na mechi ya mchujo wa kuwania tiketi ya fainali za Kombe la
Dunia za mwaka 2014 kwa kanda ya Afrika dhidi ya Ivory Coast kufika katika
viwanja hivyo wakiwa wanashuka katika basi ndipo Boban alishikwa na butwaa mara
baada ya kujina yuko peku.
Aidha Boban licha ya kuwa peku
alijikuta amepanda katika basi hilo huku akiwa hajapiga mswaki wala kunawa uso
ambapo ilipelekea mmoja wa viongozi wa Stars kutoka uwanjani hapo na kwenda
kumnunulia ndala na mswaki.
Boban alipoulizwa na mmoja wa
viongozi kulikoni hata hajavaa viatu wala kunawa uso alibaki akimtazama huku
akijiangalia bila ya kuamini kama ni kweli ameweza kufika katika eneo hilo bila
ya kuwa na kiatu mguuni.
Kiongozi mwingine wa Stars
alifanya jitihada za kuwa nae karibu nyota huyo mpaka kiongozi mwenzake
alipoleta Mswaki na kandambili za bluu ambazo Baban alizivaa mpaka mwisho wa
shughuli ya kuaga mwili wa aliyekuwa rafiki yake wa karibu na mcheziji mwezake
katika timu.
Aidha Boban kutokana na
machungu ambayo alikuwa nayo alishindwa kuvumilia kukaa katika eneo ambalo timu
ya Stars ilikuwa imepangiwa kukaa na kunyanyuka na kwenda kukaa chini karibu na
jeneza la aliyekuwa rafiki yake marehemu Mafisango na kuwafanya watu mbalimbali
waliofika katika eneo hilo kuangua vilio.
Mara baada ya Boban kutinga
uwanjani hapo bila ya kiatu mguuni mwandishi wa habari hizi alimfuata mmoja wa
viongozi wa Stars ambaye alisema kuwa licha ya kufika hapo bila ya viatu ilikuwa
wamuache kambini kwa kuwa mara baada ya kupanda kwenye gari walishangaa
hawamuoni na kurudi vyumbani na kumkuta amelala usingizi kutokana na uchovu mara
baada ya juzi kushinda msibani.
Kifo cha Mafisango kimepelekea
Stars Kushindwa kufanya mazoezi siku ya jana asubuhi na kupelekea kufanya
mazoezi jioni kwa kuwa wachezaji wote walitinga Sigara kwa ajili ya kutoa
heshima za mwisho.
No comments:
Post a Comment